السلام عليكم ورحمه الله وبركاته...........
ياالله أخيراً الواحد روح بيته بالسلامه...النهارده كنت هبقى فى خبر كان وأخوتها.. كنت راكبه اليكروباص ومروحه ع البيت الاقيلك الميكروباص بيوبلع...يلا الحمد لله عدت على خير وروحنا بالسلامه.......
النهارده بقه جايه عشان اقولكم كام حاجه كده...اللهم أجعل كلامنا خفيف عليهم....
أول حاجة\وحشتونى جداً وبقالى كتييير مانكدتش عليكو..بس أعمل أيه مش عارفة ايه اللى حصلى الفترة اللى فاتت دى مريت بفترة غريبة جداً فى حياتى ...أضحك قدام الناس ويحسو أنى فرحانه ومبسوطه لكن من جوايا .....ربى هو العالم بحالى ..عقدت أشكو ليه أن "مالى
ومال الدنيا ومال الدنيا ومالى "
ثانى حاجة\ نفسى أعرف ايه اللى حصل برضه كنت هكتب موضوع غير ده خاااااالص لكن سبحان الله أول مافتحت المدونه لقيت أيدى
بتكتب حاجه غير اللى كنت محضراها ...يلا خير "عجبت لأبن أدم وأمره كله خير "
ثالث حاجة\ هقولكم على كام مشكلة كده فى علبة واحدة...كل مشكلة فيهم مايعلم بيها إلا ربنا ...هقولهم ورزقى على الله
المشكلة الأولى: ليه بنضخم المشاكل التافه فى حياتنا لحد ماتفرقع ...عارفه هتقولو زى ايه مثلا ..زى مشكله الحضرى عايز يحترف
أنا معاكم انها مشكله للنادى الأهلى ومنتخب مصر ولكن تيجى إيه دى جنب" مشكلة الغلاءاللى هيموت الناس..ولا مشكله
موت أطفال فلسطين والعراق"(طبعاً صفر على الشمال )مع احترامى للحضرى والأهلى ومنتخب مصر كمان لأنى من مشجعين
الكرة.
ومع كل ده عملوها حكايه ورواية وبقى اللى ليه فى الكورة واللى مالهوش بيتكلم عن اللى عمله الحضرى.......
كنت فى يوم رايحة نادى الزمالك وكنت راكبة تاكسى فسواق التاكسى "عم مصطفى " قعد يتكلم معايا عن العيش والعيشة واللى
عايشينها فانا رحت رامية كلمة كده قلت لما اشوف هيقولى ايه؟ قلتله ياعم مصطفى دى الناس ساعت منتخب مصر كانت فرحانه
ومظقططة من الفرحة ولا كأن عندهم هموم ولا حاجه قالى يابنتى الناس نفسها فى النصر وأول ما كسبنا حسينا أننا أنتصرنا
ولك ان تتخيل بقه جه علينا اليوم اللى بقينا نخرج فيه شحنه النصر فى الماتش"جووووووووووول"
:المشكلة التانية: ليه؟ أكتر من 80% من بيوت مصر أول ما تشوف حاجه مش عجباها تقول حسبى الله ونعما الوكيل"وبعدها ششششش
ولا نفس طيب ما انت لما تسكت انت وغيرك على اى مشكلة تواجهنا يبقى انت موافق عليها وساعتها "كل واحد لايلومن إلا
نفسه"لا يغير الله ما بقوم حتى يغيروا ما بأنفسهم"
المشكلة الثالثة: ليه؟ شباب جواها طاقات هائلة من براءات الاختراع بلدنا محتجالهم ..تيجى بلاد الغرب تاخدهم مننا وتمنحهم فرص كبيرة
للحياة والمستقبل الباهر وغصب عنه يروح عشان يلاقى نفسه هناك وبعد كده" نقول يا ريت اللى جرى ما كان"
كان نفسى أى بلد من بلادنا العربية تمد إيديها ليهم....
على أد مافرحت جدا بطالب الثانويه العامه اللى عمل براءة اختراع لحمايه المسافرين داخل العبارات نظراً لحادث "عبارة السلام"
على أد ما حزنت جداً ان بلده لم تمنحه فرصه واللى مددت ايديها كا المعتاد امريكا "احنا نربى ونتعب وهما ياخدوا ع الجاهز"
ربنا يحرسنا ونربلهم كمان وكمان..... وفعلا سافر عشان يكمل هناك وبعد كده احنا نستورده
وغير كده كتييييييييييير لو قعدت اسرد هلاقى اكتر من 1000 ليه وليه؟؟؟؟؟؟؟؟؟!
خلاااااص كفايه كده مش عايزة انكد عليكو....
اتنظرونا تجدوا ما يسركم وما لا يسركم
هناك تعليق واحد:
السلام عليكم ورحمة الله وبركاته
وحشتنا كتاباتك ياقمر مبقناش نشوفك الا فى المواسم
الف بعد الشر عليكى ويبعدعنك كل شر وربنا يحفظك ويارب تكونى بخير وسلامةديما
المشكلة الاولى : اننا شعب التفانين والشائعات بيحب الفن والكورة و يحب يعمل من الحبة قبة ودى حقيقة اننا شعب خفيف الدم وحساس للغاية بس مشكلته انه بيكبر المشاكل التافهه ولا يعنى له اهمية المشاكل اللى ليها قيمة
المشكلة التانية: الغلاء بقى بشكل فظيع يعنى فى الاكل والشرب والمسكن والملبس الغلاء طالع واكل نازل واكل وهيجيى علينا يوم الطبقة الدنيا هتتنفى ومش هيبقى فى غير طبقتين الوسطى والعليا فقط
وربنا يستر على الشباب اللى بتدور على شغل وطموحاتها ورغباتها فى الاستقرار الاسرى بس لازم الناس تنشط مخها شوية ومتستناش اللى حواليها يتغير
ابدأ بنفسك وغير نفسك انت الاول واصنع نجاحك بالسعى ورا لقمة العيش ومسايرة العالم المتقدم
هكمل لاحقا
يلا سلام
هبة سيد
إرسال تعليق