لا تسألونى ماذا بك من أوجاع

السلاااااااااام عليكم ورحمة الله وبركاته....

النهارده جايه احكيلوا وانا خلااااااااااااص فايض بيا ... مش عارفه أعمل حاجه غير أنى احكى وأقول على جزء من اللى جوايا

وده لأن التدوين فعلا بيخفف عنى هموم كتير اوى ...وبمجرد ما بحكى معاكوا بحس ان حمل كبيييير اتشال من على كتافى

يلا خلينا نبدأ المعركه...ااه هى فعلا معركه بس للأسف أننا بنتعارك مع بعضنا مش مع حد تانى بيأذى فينا....

المهم خلينى أقولكم على اللى جوايا

تعالوا معايا بقه لما نسمع حكايه الشاب اللى مالهوش أى ذنب فى أى حاجه أو بمعنى أصح مالهوش دهر

أو بمعنى أخر مش معاه يدفع حق براءته ويقول أنا مظلوم

أو بمعنى اخير زى كتيييييييييير أوى من شباب مصر اللى الزمن زى ما بيقولوا جي عليهم ...مش عارفه ابدأ منين ولا أقول أيه؟؟!!

أنا فاااااااااااااايض بيا خلااااص

أنا عارفه ها تقولوا لى ايه الكلام ده احنا لسه مش فاهمين حاجه؟؟

هقولوا ده برضه كان نفس إحساسى وأنا بسمع حكاية (محمود ) شاب عادى خالص من البردشين

كل ما يملك انه يعمل فى إحدى الورش فى قريته وحامد ربه على اللى هو فيه وما شتكاش لحد

وماشى الحال وبيقول أهى أيام وتعدى

هتقولوا ايه دى هى هتحكلنا قصة حياته ولا ايه؟؟؟

اقولكم ابداً والله انا مش قصدى بس يعنى بعرفكم الظروف اللى هو بيمر بيها...لكن مش هو ده الموضوع بتاعنا

ياترى موضوعنا ايه النهارده؟؟؟

تعالوا معايا لما اقولكم

الشاب ده كان راجع فى يوم من شغله فى اماااان الله فجأءه والده يقوله روح يا محمود هات برسيم للحمار (أعزكم الله ) من الغيط

اللى جنبنا...قاله حااااضر يابه...وراح علشان يجيب البرسيم...وياريته ماراح ولا قال حاااااااضر...

فجاءه وبدون أى مقدمات ...يلاقى شوية ظباط قال ايه قبضوا عليه.....ايه؟؟؟

بتقولى ايه؟؟؟ قبضوا عليه ؟؟؟

ليه بقه ‘إن شاء الله ...علشان رايح يجيب برسيم!!!!!!.........لأ طبعاً مش علشان كده

أمال علشان ايه بقه...هقولكم اهو صبركم بالله بس الأول صلوا على اللى هيشفع فيكم

" اللهم صلى وسلم وبارك على شفيعنا وحبيبنا ورسولنا محمد صلى الله عليه وسلم "

كده أكمل بقه وأنا مطمنه.........( محمود ) مرة واحده كده لقه نفسه مقبوض عليه بيسأل هو فيه أيه؟؟

الظابط طبعاً راح ماسكه من قفاه وعايز يرميه فى البوكس من غير مايعرف محمود هو عمل أيه؟؟؟

وأيه هى تهمته وفجاءه برضه عرف إن الشارع اللى جنبهم فيه تجار مخدرات والظباط عرفوا مكانهم وراحوا

بس راحوا ليه بقه تعالوا نعرف؟؟؟؟!!!

طبعاً كلنا عارفين أيه هى الحوارات اللى بدور بين الظباط وبين تجار المخدرات واللى مش عارف يسأل واحد صحابه المدردحين

هما هيقولوله على الكوارث اللى بتحصل....المهم برضه ده مش موضوعنا ...ماعلينا

فى بدايه الامر قبل ما محمود يروح الغيط اللى جنبهم...الظباط كانوا سبقوه وراحوا علشان يقبضوا على التجار دول

فالقوا منهم الصبى بتاعهم اللى بيوزع المسائل...يعنى اللى بيوزع المخدرات

راح الواد مسبق بالكلام واداهم اللى فيه النصيب علشان يخلع هو من الموضوع ويطلع منها زى القارعه من الضفيره

الواد ناصح طبعاً لأنه سوابق ...فا فاهم الدنيا ماشيه إزاى

والغلبان التانى ياعينى يروح فى داهيه!!!!!!!!!!!!

ااااه يروح فى داهيه يعنى عايز تشييل واحد مالهوش فى أى حاجه 25 كياو بودره وبعد كده يزيدوا فى المحضر ل100 كيلو

وما يروحش فى داهيه دى داهيه ومش أى داهيه؟؟؟

طبعاً لفقوا التهمه لمحمود هو وولاد عمه اللى كانوا معاه وقت الحادث

الكلام ده من 3 شهور عمالين يدولوا 15 يوم فى 15 يوم لحد ما خلااااااااااااااص محمود بقه فى تعداد الموتى

وراح لهم واحد من الصحافه علشان يغطى الخبر لقاهم فى حاله من الانهيار غير عاديه والكلام التنشر فى بعض الصحف

الصحفى قالهم لااااااااااازم تعملوا إضراب عن الطعام ...علشان حد يسمعكوا

فعلا ماكدبوش خبر واحوا عاملين إضراب من يوم الجمعه لحد يوم الاتنين لحد ما تقريبا كانوا هيموتوا

وياريته جه بفايده...ده غير الظلم اللى هو فيه وبيصلى ليل نهار وبيقول ياااااااااااااااااارب ماليش غيرك....

ودموعه ودموع أهله عليه لم تجففها إلا رجوعه الى بيته بين أهله

طبعاً وأنا بيتحكليى الحكايه دى كانت خالت محمود هى اللى بتحكيلى ودموعها مغرقه وشها وأنا كنت مش قادرة ومش عارفه اعمل اى

حاجه لكن يعنى من رأى منكم منكرا فليغيره أن لم يستطع فابلساته وإن لم يستطع فبقلبه وهذا أضعف الايمان

ده جزء بس من اللى جوايا....

وأخر كلاااامى سلااااااااااااام