السلااااااااااااااام عليكم ورحمة الله وبركاته
أولاً وقبل أى كلام لازم اعترف بانكم وحشتونى جدااااااااااااااااً....ومش لاقيه كلام اصلاً اعبر به قد ايه انتوا وحشتونى....
وبعتذر لنفسى قبل ماعتذر ليكم عن تاخيرى عليكم....
لكن الحقيقة الفترة اللى فاتت دى مريت بظروف كانت كلها مايعلم بيها إلا ربنا ...أولا فترة مرضى ...وثانيا طغوط فى البيت عندى على كذا حاجه كده كانت مبوظه اعصابى.....
والحمد لله على كل حال ...بس نسيت اقولكم انى مش هتستسلم ابداً..............حد فاهم حاجه؟؟؟؟
ودلوقتى بقه وقبل ماندخل فى الموضوع عايزة اقولكم كل عام وانتم الى الله اقرب وعلى طاعته ادوم وعن النار ابعد وفى جنة الفردوس خلودكم ان شاء الله....
جمع الله بينى وبينكم فى الفردوس الاعلى من الجنه احبتى فى الله
عايزين بقه نستعد لرمضان اجمل شهر فى السنه كلها ويمكن موضوع النهارده رمضان محتاجله جداً
تعالوا بقه نشوف كده ايه موضوع النهارده ياترى؟؟؟!!!!
من تصاحب..............؟
قال احد الصالحين وهو يوصى ولده : يابنى إذا عرضت لك إلى صحبة الرجال حاجة فاصحب من إذا خدمته صانك...
وإذا صحبته زانك ...اصحب من إذا مددت له يدك بخير مدها وإن رأى منك حسنة عدها ..وإن رأى سيئة سدها ... اصحب من
إذا سالته أعطاك.....وإن سكت ابتداك .. وان نزلت بك نازله واساك ...اصحب من إذا قلت صدق قولك ..
وإن حاولتما أمراص أمرك ...وإن تنازعتما شيئاً اثرك...
شوف بقه الحكم ....
انت فى الناس تقاس .....بالذى اخترت خليلاً
فاصحب الاخيار تعلو ....وتنل ذكراً جميلاً
وهو ده باظبط.... والربط.... ومن الاخر ...موضوع النهارده
يعنى احنا مش بنقول اننا كل اللى هنقابلهم فى حياتنا ملائكه يعنى وجواهم زى الفل وابيض زى الورد
لكن اكيد برضه هنقابل ناس حلوة اوى وهما دول بقه اللى لازم نحافظ عليهم ومانخليش اى اسباب تفرق بينا وبينهم مهما
طال الزمن او قصر
ولما تلاقى برضه فى حياتك ناس اى كلام احنا برضه مش بنقول قاطعهم وابعد عنهم وحسسهم انهم نكره
لا بالعكس خليك برضه معاهم لكن بقدر محدود من العلاقه بحيث مايأثرش فى طريقة تفكيرك
ولو بقه لاقيت مافيش فايده منه وهو زى ماهو ...مش راضى يتغير يبقى كده بقه
انت عداك العيب وأزح.....وماحدش يقدر يقولك تلت التلاته ...واحد
إن الله لا يغير مابقوم حتى يغيروا ما بأنفسهم
وأنك لاتهدى من أحببت ولكن الله يهدى من يشاء
وجزاكم الله خيراً....
المرة الجايه بقه ان شاء الله هقولكم على احد اسباب تأخرى عنكم...
وهكتفى بس انى اقولكم عنوان البوست الجاى
وهو
يانا ...يا خالتى ... يا بن عمى
ياترى بقه ايه سر العنوان وما يحتويه من معانى هنعرف المرة الجايه
هتوحشونى جداااا
اشوفكم بقه على خير مش عارفه بعد اد ايه بس هقولكم كل سنه وانتو طيبين لتانى مرة ودى بقه بتاعت العيد
علشان ياااااااااااااااااااااعااااااااااااااااااااااالم....
.........................
هناك 6 تعليقات:
اصاحب الشخص اللى يتصاحب
على فكرة بالنسبة لى ما ليش حظ مع الاصحاب
تحياتى
قال صلى الله عليه وسلم : (( المرء على دين خليله ، فلينظر أحدكم من يخالل ))
صدق رسول الله صلى الله عليه وسلم
أنا عن نفسي بعمل زي ما أنت قولتي ، يعني في أصحاب لازم نستحملهم بحلوهم بمرهم مهما قسوا علينا لكن ليهم جمايل لازم نفتكرها
وفي ناس تانية مش ممكن تفتكريلهم غير كل إساءة لأنهم عمرهم ما عملوا حاجة في حياتك حلوة بل بالعكس كل ذكرياتهم نكد وذل وعبط وهبل ...
ربنا يبعدنا عنهم
اسمحي لي أمرر لكي كراسة الواجب
أدخلي على مدونتي لكي تعرفي شروطها
ده لينك لمدونات مصرية للجيب
على الفيس بوك
هتقيم حفل بساقية الصاوى بمناسبة اصدار السلسلة التانية من مدونات مصرية للجيب تحت اسم
مصر فى قطعة جاتوه
وهما بيدعوا كل المدونات الصديقة
وطالما بتكتب كويس وارائك حلوة شارك ولو بالراى ومش مهم الحفل لو مقدرتش تيجى
لان احسن اراء بتنزل فى كتاب مجمع بينشر كل فترة
واللينك اهو:-
http://www.facebook.com/event.php?eid=24011009891
السلام عليكم
الموضوع بتاعك بجد حلو بس بشتكى منه فى حاجة انه صغير جدا ومش بنلحق نشبع منك خالص
السلام عليكم
شيماء هانم
مش هقولك زي كل مره زعلان
لاني انا كمان كان عندي ظروف والله
لكن خليني اقولك يارب تكون الظروف خير ومرت علي خير
يارب تتغلبي علي مشاكلك يارب
اخوكي برقش
إرسال تعليق